Tedi Blushi, Zëdhënësi i Presidentit Ilir Meta, reagoi sërish në lidhje me dhënien e nënshtetësisë për një lojtar ganez të skuadërs së Tiranës, nënshtetësisë Uinful Kobina.
Nëpërmjet një postimi në rrjetet sociale, Blushi publikon edhe kërkesën e Tiranës të bërë më 25 shtator, ku kërkohej t’i jepej nënshtetësia shqiptare futbollistit, për të qenë gati për ndeshjen me Jang Bojsin.
Reagimi i plotë:
Meqënëse zëdhënësi i Tao Qylit, nëpërmjet një reagimi në gazetën e tij, bëri një hap pas, kërkoi falje dhe u tërhoq nga akuzat dhe etiketimet e poshtra si “grup terrorist” ndaj ekipit të FK Tirana, jemi të detyruar të publikojmë kërkesën mbështetur në Kushtetutë të këtij klubi drejtuar Presidentit të Republikës për lojtarin “terrorist”.
Rilindjes nuk i intereson përfaqësimi dinjitoz në arenën ndërkombëtare të ekipeve tona, që përherë do të meritojnë vëmendjen e Presidentit Meta, edhe si pjesë e përgjegjësive të Tij kushtetuese.
Rilindjes nuk i intereson imazhi ndërkombëtar i Shqipërisë, prandaj po e turpëron kryesimin e OSBE-së dhe po e pengon prej vitesh hapjen e negociatave të anëtarësimit me BE.
