Gjykata e Tiranës ka liruar administratorin e kompanisë farmaceutike ‘Omega Pharma’ Fatos Çausholli duke vendosur masën e sigurisë ‘detyrim paraqitje’.
Ai u arrestua tre ditë më parë me akuzën e shmangies së detyrimeve doganore me vlerë 40 milionë Lekë për një ngarkesë me ilaçe që kishte mbërritur në Doganën e Tiranës. Bashkë me Çaushollin u arrestua edhe agjenti doganor Mirlind Berberi, i cili gjithashtu u la i lirë.
Ka qenë kjo kërkesa e Prokurorisë, e cila kërkoi gjykim në gjendje të lirë. Një ditë pas arrestimit të Çaushollit, reagoi edhe kompania duke thënë që administratori i kishte paguar faturat dhe faji ishte i doganierit.
