Policia e Beratit arrestoi 3 persona për vepra të ndryshme penale.
Kështu një 59-vjeçar është arrestuar në Kuçovë pasi dyshohet për zjarr vënie të qëllimshme në pyje.
Ai e nisi zjarrin në tokën e tij e më pas flakët u përhapën në tokat me ullinj. Rreth 300 rrënjë ullinj dhe një sipërfaqe toke janë shkrumbuar nga zjarri.
Gjithashtu nga specialistët e Seksionit për Hetimin e Krimit ekonomik dhe financiar u bë arrestimi në flagrancë i shtetasit F.L., 38 vjeç, banues në lagjen “Dëshmorët e Kombit”, Berat.
Arrestimi i tij u bë pasi në rrugën automobilistike Plirëz-Poliçan, u kap nga shërbimet e policisë duke drejtuar mjetin të ngarkuar me pllaka guri dekorative, të cilat dyshohet se i kishte nxjerrë në zonën e mbrojtur në malin e Tomorrit, gjithashtu nuk dispononte asnjë dokumentacion.
Gjithashtu nga specialistët e Seksionit për Krimet në Komisariatin e policisë Berat u bë arrestimi në flagrancë i shtetasit J.V., banues në lagjen “Çlirim”, Berat. Arrestimi i tij u bë pasi duke qënë me masën e sigurimit arrest shtëpie, ishte larguar nga banesa ku qëndronte.
Materialet i kaluan Prokurorisë së Rrethit Gjyqësor Berat, për veprën penale “Largimi i të burgosurit nga vendi qendrimit”.
