Ministri Sandër Lleshaj deklaroi në emision se policia nuk duhet të ket rol në zgjedhje, ajo duhet të ket rol anësor dhe duhet të garantoj rendin dhe sigurinë.Ai u pyet edhe për pjesmarrjen e deputetëve në aktivitetet e policisë, duke iu referuar konkretisht deputetit Taulant Balla.
Si duhet ta kuptojmë këtë kur shefi i qeverisë u bëri thirrje policisë në zgjedhjet e mëparshme që pas pune të heqin kapelet dhe të bëjnë fushatë?
“Policia është polici e shtetit shqiptar dhe parlamenti është organ kryesor i këtij shteti. Ne e praktikojmë ftesën e deputetëve për ceremoni. Aktivitetit që ju i referoheni është një nga 12 aktivitetet që ne kemi organizuar. Kemi krijuar 12 ekipe operacionele dhe ftuan deputetet në të gjitha qarqet. Ka pasur raste që ata i kanë folur policëve dhe kjo është gjë e mirë.”
Duke iu referuar Taulant Ballës që mbajti një fjalim para policisë në Elbasan, Lleshaj tha se ai nuk ka asnjë përgjegjësi për këtë rast sepse ishte i ftuar.
Edhe punonjësi i policisë ka bindjen e tij. Aty ai është paraqitur si deputet dhe jo si një partiak.
Aty e bukura sipas Lleshaj do të ishte të ishin edhe deputet të spektrit tjetër politik. Ndaj meje ka nje presion dhe për mua nuk ka problem, më jep një adrenalinë për të punuar më shumë.
