“Jam duke ecur në rrugë nacionale, kam të drejtën time. Isha me 10 km në orë.”
Kështu mësohet të jetë shprehur producenti Petri Bozdo pas aksidentit tragjik të ndodhur mëngjesin e sotëm në fshatin Mengël të Elbasanit, ku humbi jetën një fëmijë 7-vjeçar.
Sipas një dëshmitari nga vendngjarja, Bozdo pretendonte se po lëvizte me shpejtësi shumë të ulët në momentin e përplasjes fatale.
“Ai tha se ishte duke ecur me 10 km në orë. Tha; ‘Jam duke ecur në rrugë nacionale, kam të drejtën time’”, deklaroi dëshmitari.
Sipas banorëve, segmenti rrugor ku ndodhi ngjarja konsiderohet problematik dhe i rrezikshëm për këmbësorët, ndërsa në zonë kanë ndodhur edhe aksidente të tjera më herët.
Policia ndërkohë ka nisur hetimet për të sqaruar rrethanat e plota të aksidentit të rëndë.
LEXO EDHE:
Aksident i rëndë në Elbasan-Librazhd, makina përplas për vdekje 7-vjeçarin
Përplasi për vdekje 7-vjeçarin në derën e shkollës, shoqërohet në polici producenti Petri Bozo
