Një grup personash që vuajnë dënimet në burgun e Peqinit dhe atë të Burrelit, kanë nisur një grevë, sikundër kanë hartuar edhe një peticion, me disa kërkesa drejtuar Kuvendit dhe Qeverisë.
Referuar të dhënave janë rreth 200 të dënuar që kërkojnë takime me të afërmit, si dhe të mos aplikohet burgimi i përjetshëm. Ata kërkojnë që dënimi të zbresë në 20 vjet burg.
Nuk dihet se sa seriozisht mund të merret peticioni i personave të dënuar, por me shumë gjasa kërkesat e tyre do të rrëzohen, veçanërisht ajo që ka të bëjë me heqjen e dënimit me burg të përjetshëm.
