Një 20-vjeçare greke në gjendje të rënduar psikologjike ka pranuar se është përdhunuar nga dy burra me origjinë pakistaneze. Ngjarja e rëndë raportohet të ketë ndodhur në Selanik, ndërsa mediat greke kanë zbardhur edhe dëshminë e saj.
“Ata ndaluan një makinë pranë meje dhe më kapën me forcë. Më futën në makinë dhe më çuan në shtëpinë e tyre. Të dy më përdhunuan atje dhe më pas më lanë të shkoj”, mësohet të ketë rrëfyer e reja.
Vajza, sapo u largua nga shtëpia e pakistanezëve, njoftoi policinë për ngjarjen dhe sipas raportit mjeko-ligjor mbi përdhunimin, konfirmohet deklarata e saj.
Policia arrestoi dy pakistanezët, të cilët mohuan aktin.
“Është bërë me pëlqimin e saj. Ne nuk e përdhunuam atë”, pretenduan dy autorët pakistanezë në dëshminë e tyre.
Dy autorët pritet të dalin para Gjykatës për masën e sigurisë.
