Kodi i ri Zgjedhor nuk do të miratohet seancën e të enjtes, 1 tetor, në Kuvend.
Komisioni i Ligjeve ka vendosur të shkrijë në një projekt, propozimin e opozitës parlamentare dhe atë të PS për ndryshimin e kodit zgjedhor. Ato do të diskutohen nen për nen ditën e martë nga Komisioni i Ligjeve.
Në mbledhjen e parë të Komisionit të ligjeve, pakica e re në Kuvend akuzoi se mazhoranca po mbyll listat e kandidatëve për deputetë duke e cilësuar një vendim antikushtetues.
Madje nuk munguan as deklaratat për dërgimin në Gjykatën Kushtetuese të kodit zgjedhor nëse votohet në mënyrë të njëanshme.
Ditën e sotme ambasadorja e SHBA dhe ambasadori i BE kanë kërkuar nga PS që të respektojë marrëveshjen e 5 qershorit.
Ndërkohë edhe opozita e bashkuar ka paraqitur një draft lidhur me ndryshimt në Kodin Zgjedhor, ku theksi vihet te lënia në fuqi e formulës së aplikuar prej vitit 2003 lidhur me koalicionet parazgjedhore.
Nuk dihet nëse kjo tërheqje e Ramës dhe Rilindjes për të miratuar ndryshimet në Kodin Zgjedhor janë një lëvizje taktike apo janë rezultat i presionit të ndërkombëtarëve për respektimin e marrëveshjes së 5 qershorit.
