Me 197 km/orë, policia arreston 21-vjeçarin nga Tirana, i cili po udhëtonte me automjetin e tij, megjithëse kishte 7 muaj që ishte pajisur me patentë.
“Me një shpejtësi të frikshme, 21-vjeçari nga Tirana qarkullonte me 197 km/h mbrëmjen e së shtunës në aksin Sauk – TEG, në kushte të lagështirës në rrugë, trafikut ende me fluks të lartë.
21-vjeçari nuk kishte mbushur ende as 7 muaj nga data e pajisjes me patentë, kur rrezikoi seriozisht jo vetëm jetën e tij por edhe të përdoruesve të tjerë të rrugës”, theksoi policia, duke publikuar edhe videon në rrjetet sociale.
Mbrëmjen e së shtunës u arrestuan edhe 4 shoferë të dehur dhe 3 të tjerë pa patentë dhe u pezulluan 22 patenta përgjatë 5 orëve kontroll me radar e dragera.
Situata më e rëndë është paraqitur në aksin rrugor Sauk – TEG, ku janë evidentuar 10 raste të shpejtësisë mbi normat e lejuara, shpejtësi që varionin 155 km/h deri 197 km/h.
