Një elektricist ka humbur jetën në Dibër këtë të Enjte. Dyshohet se ai ka rënë në kontakt me energjinë elektrike, çka i ka shkaktuar vdekjen.
“Rreth orës 14.10, është marrë informacion se në fshatin Hotesh, Dibër, është konstatuar nga banorët e zonës, pa shenja jete shtetasi Y.Ll., elektriçist, i cili dyshohet se ka humbur jetën si pasojë e kontaktit me rrymën elektrike”, bëri me dije policia lokale.
Grupi hetimor vijon hetimet për zbardhjen e shkaqeve të rrethanave të ngjarjes, shtuan të njëjtat burime.
