Kryeministri Edi Rama ka treguar edhe njëherë anën e tij të dobët dhe të ulët përballë gjinisë së kundërt. Teksa ishte i ftuar në emisionin “Studio e Hapur” përballë një gazetares Eni Vasili, Rama lëshoi një ofendim ndaj deputetes Mimoza Hafizi.
Kryeministri u pyet nëse i kishte ofruar ndonjë post ministror deputetes Hafizi, por Rama u përgjigj paturpërsisht se nuk merret me përsheshin që ha ajo.
Eni Vasili: Mohoni gjithashtu që i keni ofruar poste ministrore zonjës Hafizi?
Rama: Kujt?
Eni Vasili: Zonjës Mimoza Hafizit.
Rama: Për Ben Blushin edhe mund të shpenzonim pak kohë se i ka bërë nja tre romane. Por Mimozën le ta lëmë të hajë përsheshin në partinë e Blushit dhe të mos merremi me këtë temë, ju lutem.
Eni Vasili: Nuk është etike për një grua, një shprehje e tillë, qoftë edhe nga kryeministri…
Rama: Është një shprehje e njohur kjo dhe nuk ka lidhje fare dhe mos ma vini gjithmonë këtë përpara është etike për një grua, është etike për një burrë sepse unë nuk i ndaj njerëzit në burrë e në gra. Unë i konsideroj të gjithë të barabartë kur është fjala për të diskutuar për politikën dhe mes njerëzish që janë të përfshirë në politikë. Disa duke bërë punë, disa duke ngrënë përshesh por kjo është një çështje që nuk i ndan njerëzit në burra dhe në gra. Përsheshi është përshesh edhe kur e hanë burrat edhe kur e hanë gratë.
Por kryeministri Rama harron shpejt se ishte ai që prezantoi deputeten në 2013 si një nga intelektualet e Shqipërisë. Përpos kësaj, Hafizi ka një të kaluar të gjatë akademike në qytetin e Shkodrës ndryshe nga kryeministri piktor.
Nga Boldnews.al
