Janë siguruar pamjet nga vendngjarja ku u plagosën dy persona këtë mbrëmje në Durrës. Burime për mediat bëjnë me dije se të plagosur kanë mbetur Armando Baboci dhe Erald Gjini.
Këta dy të fundit, mësohet se janë konfliktuar me disa persona të tjerë fillimisht me sende të forta, e më pas, një prej tyre ka qëlluar me armë zjarri.
Ngjarja raportohet të ketë ndodhur në ambientet e një lokali, e më pas, palët kanë dalë në ambientet e jashtme për t’u sqaruar.
Policia mësohet se ka shoqëruar në komisariat 6 persona, mes tyre edhe autori i ngjarjes.
Ndërkohë, dy të plagosurit raportohet se po marrin ndihmë mjekësore në spitalin e Durrësit.
Një prej tyre mësohet se është në gjendje të rëndë, pasi plumbat kanë prekur në organet jetësore, ndërsa personi tjetër, raportohet se ka marrë një plumb në këmbë.
