Kryebashkiaku Erion Veliaj nuk ndalet me gënjeshtrat e tij për vdekjen e Ardit Gjoklajt në landfillin e Sharrës.
Veliaj me anë të propagandës së tij synoi të tregojë mbrëmë në Top Story anën e tij njerëzore duke thënë se ajo që kishte ndodhur ishte një ngjarje e dhimbshme.
I pyetur nga gazetarët në emision nëse ka qenë në kontakt me familjen e 17-vjeçarit të vrarë në landfillin e Sharrës, Veliaj tha se Bashkia e Tiranës është në kontakt me ta.
Por sërish ka gënjyer. Haptazi.
Në një prononcim për Boldnews.al, xhaxhai i Ardit Gjoklaj, Vuksani përgënjeshtron kryebashkiakun Erion Veliaj se ky i fundit i ka kontaktuar.
“Asnjë nga zyrtarët e Bashkisë së Tiranës dhe as vetë kryebashkiaku Veliaj. Madje asnjë punonjës shtetëror nuk na ka vizituar, kjo është e tmerrshme”, shprehet Vuksani.
Më tej, xhaxhai i Arditit shprehet se e ka menduar vetë që të kontaktojë kryebashkiakun Veliaj dhe t’i shprehë atij dhimbjen që po përjeton familja edhe nga neglizhenca shtetërore.
Vuksani shton më tej se familja e Ardit Gjoklaj po mendon të nisë një proces gjyqësor penal dhe civil për ngjarjen e rëndë në landfillin e Sharrës më 7 gusht.
