Ministrja e arsimit Besa Shahini ka shprehur ngushëllimet për mësuesin 47-vjeçar nga Pogradeci i cili humbi jetën nga koronavirusi.
Edhe pse 47-vjeçari nuk vuante nga asnjë sëmundje tjetër shoqëruese ai nuk mundti të fitojë betejën përballë koronavirusit duke e humbur atë pas 12 ditësh terapie intensive.
Ja mesazhi i Shahinit:
Ndihem shumë e keqardhur për mësuesin tonë nga Pogradeci që ka humbur jetën nga COVID-19 dhe i shpreh ngushëllimet më të sinqerta familjarëve, nxënësve dhe kolegëve të tij.
Me këtë rast, apeloj fort sërish që të shtojmë kujdesin duke ndërmarrë çdo masë parandaluese për frenimin e koronavirusit, si dhe duke zbatuar me seriozitet çdo rregull e protokoll shëndetësor që ka në thelb mbrojtjen e shëndetit tonë.
