Është mbyllur ndeshja miqësore mes Vllaznisë dhe Teutës, e luajtur në stadiumin “Loro Boriçi” në Shkodër.
Vendasit arritën të triumfonin me rezultatin 1-0 falë golit të brazilianit Da Silva në fundin e pjesës së parë.
Një paraqitje dinjitoze kjo për skuadrën e drejtuar nga trajneri Brdariç, që u shfaq dominuese në fushën e lojës. Kujtojmë që kjo ishte miqësorja e dytë mes këtyre 2 skuadrave, pas disa ditë më parë, në ndeshjen e zhvilluar në Pukë, triumfuan durrsakët me të njëjtin rezultat 1-0.
E gjithë vëmendja e Teutës është te ndeshja e datës 17 shtator që do të zhvillohet ndaj spanjollëve të Granadës, e vlefshme për Ligën e Europës.
