Shqipëria humbi 0-1 ndaj Lituanisë por më shumë se humbja, është perfomanca tejet e dobët e ekipit ajo që ka marrë vëmendjen maksimale.
Goli i shënuar nga miqtë erdhi si pasojë e një gafe kolektive të ekipit, të iniciuar nga mesfushori Gjasula. Një gol që ka ngjallur shumë polemika aq sa shumë kanë dyshuar si një gol i dhuruar me dashje!
Kritika, fyerje por edhe indinjatë nga tifozët për një ndeshje të luajtur shumë dobët nga kuqezinjtë. Por, goli i pësuar ishte kulmi: top i falur nga Gjasula, dalje e portierit dhe më pas Hysaj që e ka ndjekur deri në vijën fatale për të reaguar kur topi kishte kaluar vijën, edhe pse e kishte shumë pranë dhe një veprim duhet ta kishte bërë me kohë.
Në foton e publikuar nga Procesi Sportiv mbi momentin e fundit, ka reaguar edhe ish-futbollisti i Flamurtarit dhe disa ekipeve, Alim Begaj, që ka thumbuar kapitenin kuqezi.
