Një grua është arrestuar pasditen e djeshme në Tiranë. Ajo u vu në pranga për llogari të drejtësisë italiane, pasi ishte shpallur në kërkim ndërkombëtar për terrorizëm.
Në pranga ra shtetësja L.GJ. Ajo u arrestua pranë zonës së Unazës së Madhe, në një operacion të policisë ku morën pjesë edhe homologët italian.
Nëna e tre fëmijëve dyshohet se ka qenë pjesë e një grupi radikal në shtetin fqinj.
Pas arrestimit, ajo pritet të ekstradohet pas disa ditësh drejt Italisë për t’u përballur me akuzat.
Pas arrestimit të saj, policia nuk dha detaje se për çfarë prirjesh radikale akuzohet gruaja, apo se pse ajo ishte kthyer për t’u strehuar në Shqipëri.
