Një aksident rrugor ka ndodhur këtë pasdite në aksin nacional Korçë – Ersekë. Aksidenti ka ndodhur pranë fshatit Kamenicë.
Paraprakisht mësohet se një motoçikletë është përplasur me një biçikletë e për pasojë dy drejtuesit kanë marrë lëndime të shumta në trup.
Ata janë transportuar në Spitalin e Korçës, për ndihmë mjekësore.
Policia ndodhet në vendngjarje për të zbardhur dinamikën e aksidentit.
Korçë/Informacion paraprak
Më datë 03.09.2020, në aksin rrugor Korçë-Ersekë, pranë fshatit Kamenicë, janë përfshirë në një aksident mjeti tip motor me drejtues shtetasin V. V., rreth 23 vjeç, banues në Kamenicë, me mjetin tip biçikletë me drejtues shtetasin V. M., rreth 65 vjeç, banues në Korçë, të cilët u transportuan për ndihmë mjekësore në Spitalin e Korçës.
Grupi hetimor po punon për zbardhjen e rrethanave të ngjarjes.
