Instituti i Shëndetit Publik ka publikuar sot masat për të parandaluar COVID-19 në strukturat arsimore parauniversitare.
Shkollat në vend janë hapur për nxënësit duke filluar nga dita e sotme. Në shkolla do të shkojnë të marrin mësime, nxënësit që nuk mundën të ndjekin dot mësimin online.
Në këshillat e ISSH thuhet se nxënësi me simptoma si temperaturë, kollë, vështirësi në frymëmarrje njofton mësuesin kujdestar dhe justifikimi i mungesës bëhet nga mjeku i familjes.
Gjithashtu thuhet se mjetet që do të përdoren nga nxënësit duhet të sprucohen me alkool nga personat përgjegjës, ndërsa dezifektimi i ambienteve shkollore bëhet 2 herë në javë.
Nxënësit duhet të ruajnë distancën 1.5 metra, ndërsa maskat mund t´i mbajnë gjatë gjithë kohës ato nxënës që janë me sëmundje patologjike dhe kronike.
