Autostrada Tiranë-Durrës është kthyer në një makth për të gjithë udhëtarët pasditen e sotme, pasi e gjithë rruga është e bllokuar dhe trafiku është bërë kilometrik.
Qytetarët bëjnë me dije për Boldnews.al, se trafiku nis nga Durrësi dhe deri në hyrje të Tiranës, që do të thotë 35 kilometra rrugë e gjitha e bllokuar.
Siç shihet edhe në foto janë të shumta mjetet të cilat kanë mbetur në rrugë dhe nuk lëvizin për shkak të trafikut të dendur, i cili është krijuar si pasojë e kthimit të pushuesve nga jugu i vendit pas pushimeve por edhe nga paaftësia e policisë rrugore për të menaxhuar ashtu siç duhet situatën.
