Qeveria franceze po heton një oficer të lartë ushtarak për një “shkelje të sigurisë”, tha të dielën ministri i mbrojtjes.
Sipas raporteve të mediave franceze, oficeri i lartë dyshohet se ka spiunuar për Rusinë.
“Ajo që mund të konfirmoj është se një oficer i lartë po përballet me procedura ligjore për një shkelje të sigurisë”, tha Ministrja e Mbrojtjes Florence Parly për mediat franceze, duke mos dhënë detaje të tjera.
Radio Evropa 1 e Francës raportoi se një nënkolonel Francez me qendër në Itali dhe i vendosur në NATO besohet se ka transmetuar dokumente të ndjeshme në shërbimet sekrete të Rusisë.
Burri u arrestua nga agjencia franceze e inteligjencës DGSI ndërsa po përgatitej të largohej për në Itali në fund të pushimeve të tij në Francë.
Ai po mbahet në një burg në Paris, tha Evropa 1.
