Të premten (14 tetor), në orën 13:00, gazetarë dhe përfaqësues të shoqërisë civile do të organizojë një protestë kundër censurës në media. Protesta në fjalë do të mbahet përpara Bashkisë së Tiranës.
Censura në media, gazetarët që pushohen pa shkak, emisionet e mbyllura, e një sërë arsyesh të tjera, janë bërë shkak që gazetarët të bëhen bashkë e të protestojnë.
Njerëzit që e duan dhe luftojnë për fjalën e lirë, nën një moto do dalin e protestojnë për të drejtat e mohuara.
“Te dashur kolege! Kemi shume arsye per te protestuar, kunder censures se medias, emisionet e mbyllura, koleget qe pushohen nga puna pa shkak, lirine tone, gazetaret dhe punetoret e medias qe kane kerkuar azil, te drejtat tona te mohuara dhe te parespektuara, per dinjitetin tone dhe per vrasjen e Ardit Gjokles ne Sharre, qe nuk na lejuan t’a raportonin sic duhet. Ju bej thirrje, qe diten e premte, ora 13:00, te protestojme para Bashkise Tirane. Gazetare te medias vizive, shtypit te shkruar dhe mediave sociale, moderatore, operatore, montazhiere, teknike transmetimi, teknike direkte, producente, redaktore, faqoses, punetore te tjere te medias dhe njerez qe e duan dhe luftojne per fjalen e lire, duhet te jene me ne, si qytetare te lire te ketij vendi. Sa me shume “shperndarje”. #jocensures”- shkruhet në njoftimin e shoqërisë civile.
