Dy persona nuk e kanë fituar betejën me Covid-19 në vendin tonë. Bëhet fjalë për një 60-vjeçar nga Tirana dhe një-62 vjeçar nga Shijaku me sëmundje bashkëshoqëruese.
Raportohet se në spitalin Infektiv dhe Shefqet Ndroqi, ndodhen të shtruar 101 pacientë, 17 në terapi intensive dhe 4 të intubuar.
Në dy spitalet COVID janë gjithashtu duke marrë shërbime të specializuar dhe 27 qytetarë të cilët kanë qenë pozitivë me COVID19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.
Në vendin tonë, janë regjistruar 158 raste të reja me koronavirus nga 864 testime të kryera. Ministria e Shëndetësisë, bën me dije se në 24 orët e fundit janë shëruar 57 persona.
