Barcelona ka zyrtarizuar largimin e trajnerit Quique Setien. Tekniku i spanjollëve u pushua nga puna pas humbjes 8-2 nga Bayern Munchen, por dhe për faktin se zhvilloi një kampionat tepër të dobët në La Liga.
“Bordi drejtues ka vendosur që të largojë Quique Setienin nga klubi. Ky është vendimi i parë në rindërtimin e ekipit të parë që do të bëhet nga stafi teknik dhe trajneri i ri që do të zyrtarizohet në ditët në vazhdim”, – shkruhet në deklaratën e publikuar mbrëmjen e djeshme nga klubi.
Një tjetër vendim që ka marrë bordi drejtues është edhe data e zgjedhjeve presidenciale. Është vendosur që Joseph Bartomeu të mos dorëhiqet apo shkarkohet, por të vijojë mandatin deri në fund, ndërsa presidenti i ri do të zgjidhet në marsin e 2021-shit, kur edhe do të mbahen zgjedhjet në klub.
