Një palë atlete “Nike” të veshura nga legjenda e basketbollit Michael Jordan thyen rekordin si këpucët sportive më të shtrenjta të shitura ndonjëherë, pasi u shitën në ankand për 615 mijë dollarë.
Atletet “Nike Air Jordan 1 High” janë përdorur prej yllit të basketbollit gjatë një ndeshjeje ekzibicioni në Trieste të Italisë në vitin 1985, sipas shtëpisë së ankandeve “Christie”.
“Ky është çmimi më i lartë ndonjëherë për këpucë sportive”, tha një zëdhënës i “Christie” për CNN.
Atletet e shitura kanë edhe një veçanti, në gomën e njërës prej tyre ndodhet një copë xhami, e mbetur aty kur Jordan theu tabelën pas një zhytjeje në atë takim.
