Qytetarët shqiptarë që udhëtojnë drejt Greqisë janë lënë në mëshirë të fatit, pas bllokimit të pikave doganore me shtetin lehen.
Mijëra fëmijë, gra, të moshuar ndodhen një krizë humanitare, pas më shumë se 72 orësh të bllokuar në kufi.
Pamjet më poshtë të fotografit Gent Shkullaku tregojnë më mirë sesa fjalët dramën që po përjetojnë shqiptarët.
Autoritetet greke deklaruan në mbrëmje ndërprerjen e punës në Kakavijë nq orën 23:00 dhe rinisjen e saj në 06:00 të ditës së shtunë. Kjo do të thotë se mijëra shqiptarë do të kalojnë natën në pritje dhe të shpresojnë që nesër të mund të rikthehen në Greqi, atje ku jetojnë dhe punojnë.
E gjithë kjo situatë e krijuar tregoi se autoritetet shqiptare janë të paafta për të zgjidhur problemin, ndërsa Kryeministri ka vijuar pushimet në jug të vendit.
Gent Cakaj, ministri i Jashtëm në detyrë, njoftoi se kishte folur në telefon me homologun grek, ndërsa Olta Xhaçka u nis drejt Kakavijës për t´u takuar me dy apo tre kryebashkiakë, ndërsa u mjaftua me dërgimin e një boti me ujë për shqiptarët që u lanë të “thahen” në diell.
