Vetëvrasja e papritur e të riut durrsak Xhino Koça, mëngjesin e djeshëm, teksa ndodhej i shtruar në Sanatorium, i prekur nga Covid-19 ka tronditur opinionin publik, e më së shumti të gjitha ata që e njihnin nga afër 29-vjeçarin dhe familjen e tij.
Nëna e Xhinos është stilistja e njohur Lira Koca, të cilën e kemi parë shpesh të veshë njerëzit më të njohur të ekranit. Fjalët për ta ngushëlluar atë sot janë të pakta, ndërsa një postim prekës ka bërë mikesha e saj, mjekja Lida Shosha.
“Nuk kam fjale ngushellimi, per ty, e dashura, e embla, e hareshmja, e gezuara, njeriu me i bukur qe njoh ne ket dynja, Lira Koca Buda, per kete tragjedi te kobshme. Ketu, Fjala humbet kuptimin e saj, vendin e ze loti i shpirtit. Largimi i Xhinos ne lule te jetes, i engjellit tend te bukur, na ka trondit pa mase. Te Zotit jemi, tek ai do shkojme. Por Zoti im, kaq shume e deshe kete engjell, qe e shkepute nga duart e nenes qe e riti me shume dashuri birin e saj? Kush do e puthe ne mengjes, kush do i uroje naten e mire, off medet kjo jete e padrejte, qofsh mallkuar, kovid-kolere. O Zot, jepu force ta perballojne ket dhimbje, tragjike te madhe. I bukuri i dheut o Lira, Xhino engjelli ne zemren tende perjete”, shkruan Shosha në postimin e saj në rrjetet sociale.
Për Xhinon janë të shumta mesazhet në rrjetet sociale, nga miqtë, por edhe qytetarët e Durrësit. I riu kishte krijuar profilin e një djali të ndjeshëm, të shoqërueshëm dhe mjaft i përkujdesur deri për kafshët e rrugës, që nuk nguronte t’i ushqente sa herë i dilnin përpara.
