Ekstradohet nga Italia drejt Shqipërisë një shtetas 44-vjeçar, për të cilin Gjykata e Krimeve të Rënda në vitin 2018 kishte vendosur masën e arrestit me burg.
Sipas një njoftimi zyrtar nga policia, i ekstraduari është shtetasi R. M., 44 vjeç.
Shtetasi R. M. është arrestuar nga autoritetet policore në Vareze, Itali me qëllim ekstradimin drejt Shqipërisë, në zbatim të urdhër-arrestit ndërkombëtar të nxjerrë nga Zyra Qendrore Kombëtare Interpol Tirana, pasi Gjykata e Krimeve të Renda Tiranë, me vendim nr. 06, datë 17.01.2018, ka vendosur masën e sigurisë “Arrest në burg”, për këtë shtetas, për veprën penale “Trafikimi i narkotikëve”.
Ky shtetas, në 27 mars 2013, në bashkëpunim me dy persona të tjerë, ka tentuar të kalojë drejt Italisë, me kamion, nëpërmjet Portit të Durrësit, një sasi prej 61 kg kanabis.
