Ngjarja horror mbrëmjen e djeshme në Pogradec tronditi mbarë vendin, ku Olsi Çekiçi i preu kokën nënës së tij dhe ia vari në portën e shtëpisë.
Ndërkohë për këtë ngjarje të rëndë kanë folur edhe specialistët, siç është dhe Arjana Rreli, e cila analizoi përkimin e shumë krimeve makabre gjatë stinës së verës.Kujtojmë se autori i vrasjes vuante nga probleme të shëndetit mendor.
Ndërsa ekspertja Rreli ka folur për ndikimin e stinës së verës tek persona të tillë, ajo nuk la pa kujtuar edhe një rast të ngjashën disa vite më parë në Selenicë të Himarës, ku një të mituri iu pre koka nga një i afërm i tij.
Ekspertja tha se kjo nuk mund të jetë rastësore dhe tha se temperaturat e larta ndikojnë në sistemin nervor të personave më probleme të tilla, pasi ata i përjetojnë si sulme ndaj organizmit.
Deklarata:
Në fakt temperaturat e larta janë një stresor i fuqishëm i ambientit dhe një agresor për organizmin tonë. Temperaturat e larta perceptohen nga sistemi nervor i këtyre personave si sulm ndaj organizmit dhe padashje prish balancat, duke i çuar deri te këto krime. Përdorimi i lëndëve narkotike është një tjetër faktor risku që thellon problemet e personave të tillë. Ka raste kur personi nuk e pranon që mund të jetë i sëmurë, këta janë ata që rrezikojnë për komplikacione të rënda si rasti në Buçimas. U tha që ishte përdorues i lëndëve narkotike, kjo sjell çrregullime të sjelljes. Dëmton jo veç personin por edhe ata që e rrethojnë. Ka persona që tentojnë të vetëzgjidhin problemet e tyre me alkool, lëndë narkotike por edhe me qetësues. Rastet që shpërthejnë kështu janë raste të patrajtuara, këta persona nuk pranojnë bashkëpunim, nuk hapin asnjë shteg që të bëhen aleatë për kurim. Mund të jenë në këtë fazë edhe persona që kanë filluar një trajtim dhe që e kanë ndërprerë më pas, ose ka ndërprerë lidhjen me specialistin. Suporti familjar është shumë i rëndësishëm. Medikamentet për këta pacientë janë të kushtueshme po ashtu trajtimi, terapia zgjat në kohë. Pra, duhet mbajtur situata nën kontroll.
