Injoroi masat ndaj Covid-19, Xavi gjobitet në Katar

Legjenda e Barcelonës, Xavi Hernandez, ndëshkohet nga Federata e Futbollit të Katarit. Tekniku aktual i Al Sadd dhe disa lojtarë dhe anëtarë të stafit teknik të kësaj skuadre, janë gjobitur pasi kanë shkelur disa rregulla për parandalimin e përhapjes së Covid-19.

Xavi është gjobitur me shumën 2700 dollarë ose 2300 euro. Në njoftimin për shtyp, tema e shkeljes së kryer nuk është sqaruar në detaje, por kuptohet që sanksioni lidhet me “mosrespektimin e protokolleve të Ministrisë së Shëndetit Publik, duke përfshirë angazhimin për të qëndruar në karantinë, në shtëpi”.

LEXO EDHE  Son i papërmbajtshëm, “poker” në goleadën e Tottenham ndaj Southhampton!