Të paktën 10 të vdekur raportohen nga shpërthimi në Bejrut që ka shkatërruar ndërtesat dhe ‘la me qindra njerëz të mbuluar në gjak”.
Raportohet se shpërthimi shkatërroi shtëpinë e ish-kryeministrit Saad Hariri, por ai vetë është konfirmuar i sigurt nga partia e tij.
Pamjet dramatike tregojnë se nga shpërthimi u shkatërrua zona e portit. Ka hipoteza se mund të ketë shpërthyer edhe një fabrikë fishekzjarri, por lajmet e para janë kontradiktore.
Burime pranë grupit militant të Libanit Hezbollah, që vranë të atin e kryeministrit aktual 15 vite më parë, kur edhe ai ishte në detyrën e kryeministrit, mohuan teoritë se shpërthimi ishte një sulm izraelit.
Partia e Lëvizjes së Ardhshme konfirmoi që ish-kryeministri Saad Hariri është i sigurt, por ministri i Shëndetësisë i Libanit tha që shpërthimet kishte shkaktuar një ‘numër shumë të madh të lëndimeve’ dhe dëme të mëdha.
Burime mjekësore i thanë Reuters se të paktën 10 njerëz u vranë nga shpërthimi.
Dëshmitarët folën për fuqinë e madhe të shpërthimit, e cila u raportua se u dëgjua deri në Qipro, dhe e krahasuan atë me një “bombë bërthamore”.
Burime të sigurisë i thanë Reutersit se shpërthimi ndodhi aty ku ka edhe depo që ruanin eksplozivë, megjithëse nuk e qartë se çfarë e shkaktoi shpërthimin.
Zyrtarët nuk kanë konfirmuar se çfarë lloj eksplozivi gjenden në objektet.
Shpërthimi vjen vetëm disa ditë para se një gjykatë të vendosë për vrasjen e ish-kryeministrit të vendit Rafik Hariri, babai i Saadit.
Gjithashtu shpërthimi vjen në një kohë të tensioneve të ngritura në vendin e Lindjes së Mesme e cila po kalon krizën e saj më të keqe ekonomike dhe financiare në disa dekada.
