Franca pritet të kërkojë vendosjen e një mekanizmi të ri në Europë për respektimin e shtetit ligjor, parimeve demokratike dhe lirisë së mediave.
Vendet që shkelin këto parime ligjore do të përjashtohen nga marrja e fondeve për përballimin e krizës së koronavirusit.
Ministri i Francës për Çështjet Europiane, Clement Beaune ka deklaruar për “Financial Time” se shtetet që kanë probleme nuk mund të përfitojnë njëlloj.
Ai ka përmendur Hungarinë dhe Poloninë si dy vendet që kanë shkelur ligjet. Dy shtetet BE kanë miratuar nisma ligjore gjatë pandemisë që bien në kundërshtim me shtetin ligjor dhe lirinë e medias.
“Sanksionet politike dhe ekonomike janë mjetet tona. Europa nuk është vetëm treg i përbashkët, por bazohen mbi vlerat dhe kulturën”, tha ministri francez.
Dhe kur bëhet fjalë për shkelje të tilla, Shqipëria nuk mund të lihet jashtë vëmendjes. Janë me dhjetra e dhjetra vendime, ligje apo nisma qeveritare, që konsiderohen jo demokratike, që shkelin parimet dhe lirinë e mediave. Një prej këtyre nismave është edhe ajo që njihet si paketa anti-shpifje.
