Një veteran i luftës së fundit ka publikuar një video përmes të cilës ka treguar se është infektuar me COVID-19.
Ai thotë se është në ditën e pestë dhe ka shumë temperaturë. Për shkak të virusit, pacienti tregon se ka humbur edhe ndjenjat dhe ka bërë thirrje për kujdes.
“Jam i infektuar me COVID-19. Kam temperaturë shumë të lartë. Dikush ka simpotma shumë të rënda, dikush më të lehta. Më ka humbur fuqia e çka kam. Jam rrëzuar në banjo dhe më ka humbur vetëdija. E pesta ditë dhe flaka më doli. Jam invalid i luftës dhe krahun e kam humbur në luftë. Kërkoj prej jush veç lutuni për mu të madhit Zot”, ka thënë ai.
Në gjithë Kosovën deri tani kanë vdekur 236 persona, janë infektuar më shumë se 8500 dhe janë shëruar më shumë se 4500 pacientë.
Aktualisht, në spitalet e Kosovës janë duke u trajtuar rreth 600 pacientë.
Në gjithë botën janë prekur me shumë se 17 milionë njerëz me koronavirusin e ri, kanë vdekur më shumë se 600 mijë të tjerë dhe janë shëruar mbi 10 milionë pacientë.
