Kushtetuta nuk duhet prekur në mënyrë të njëanshme duke prishur paktin e 5 qershorit, përveç hapjes së listave të kandidatëve 100%.
Është ky qëndrimi i Opozitës së Bashkuar në Këshillin Politik, ku për 3 orë sërisht nuk u arrit konsensusi mes palëve.
Në deklaratën për mediat pas mbledhjes së Këshillit Politik, Oerd Bylykbashi tha se sot në këtë takim u kërkua prej maxhorancës “të shprehet në parim nëse është dakort apo jo për hapjen e listave 100% duke ruajtur të paprekur shpërndarjen e mandateve”.
“U përballëm me refuzimin e PS për të pranuar këtë propozim kompromisi. PS nuk ka ndryshuar asnjë cm pozicionin e saj të veprimit e ndryshimit të njëanshëm të kushtetutës.
Propozuam të hiqet dorë nga ndryshimet e njëanëshme, amendament për hapjen e listave pa prekur asgjë tjetër në kushtetutë e të garantojmë që procesi do mbetet i paprekur e përtej lojërave të Ramës e maxhorancës, ndryshimet kushtetuese e ligjore të jenë bashkë e ti cohen parlamentit që të jetë cdo gjë e qartë.
Modeli i koalicioneve që përdor Shqipëria prej 17 vitesh është i konsoliduar, është i marrë nga Italia, s’ka prodhuar asnjë lloj krize e problemi në zgjedhje.
Ky konfuzion vjen për të arritur qëllimet se ka frikë nga koalicioni i opozitës së bashkuar. Jemi të gatshëm të vazhdojmë diskutimin për të bërë amendime që do hapin listat e kandidartëve 100% pa prekur asgjë tjetër që ndryshon rregullat themelore të procesit zgjedhor”, tha Bylykbashi.
