Deputeti Lefter Maliqi u shpreh sot gjatë një komunikimi për mediat se fatet e kësaj Qeverie të dështuar do t’i marrë populli në dorë.
Maliqi tha se Edi Rama dhe qeveria e tij janë më të dështuarit që ka pasur ndonjëherë vendi.
“Nisma e këtij të sëmuri psikik të marrë fund. Fatet e kësaj qeverie të dështuar do ti marrë në dorë populli. Nuk ka ndodhur ndonjëherë të kemi një qeveri kaq të dështuar”, tha Maliqi.
Deputeti tha se Rama i ka ditët e numëruara, ndërsa e cilësoi si një komision fars, atë të ngritur për Presidentin Ilir Meta.
“Ilir Meta po mbron demokracinë dhe Kushtetutën. Ky është një Parlament i kapur, një qeveri e kapur, ndaj dhe populli duhet të marrë në dorë fatet e vendit”, tha Maliqi.
Edhe dje nga salla e Parlamentit, Maliqi artikuloi akuza të forta ndaj Kryeministrit Edi Rama, duke u shprehur se shpirti dhe fytyra e tij janë më të zeza se ngjyra e maskës që mban.
