Prokurorja Donika Prela nuk u paraqit në seancën e sotme KPA dhe kërkoi shtyrjen e saj.
“E kam të pamundur paraqitjen në seancë. Kam probleme shëndetësore. Duke qenë se e kam të pamundur të jem në seancë, kërkojë shtyrjen e saj”, mësohet të jetë justifikuar Donika Prela, e cila depozitoi edhe një raport dy javor.
Trupi gjykues i KPA vendosi shtyrjen e seancës gjyqësore për në datën 5 shtator ora 15:00.
Në seancën e fundit në KPA, Prela kërkoi përjashtimin e Ina Ramës dhe Natasha Mulaj nga trupa gjykuese, me pretendimin se kishte konflikt interesi, pasi kishte hetuar të afërm të tyre.
Prela i tha trupës gjykuese se Natasha Mulaj nuk mund të jetë pjesë e trupës gjykuese, pasi ka nën hetim vëllezërit e saj për një çështje pronësie.
Ndërsa, për Ina Ramën, Prela tha që nuk mund të gjykojë rastin e saj, pasi i ka hetuar mbesën disa vite më parë, për falsifikim diplome.
Donika Prela në KPA/ “Mashtrim” për “mbesën” e Ina Ramës dhe “shantazh” Natasha Mulajt
