Klubi i Barcelonës prej vitesh tashmë nuk po funksionon ashtu siç e mbajmë mend dikur, teksa në sezonin aktual në skuadër janë shfaqur probleme në hierarkinë drejtuese të klubit por edhe në rezultatet mjaft të dobëta në fushën e lojës.
Problemet e Barcelonës janë edhe financiare. Katalanasit duan të arkëtojnë para, duke shitur disa prej lojtarëve që nuk i kanë në plane dhe që atyre mund t’u sjellin të ardhura të rëndësishme për të blerë objektivin kryesor të merkatos, sulmuesi Lautaro Martinez.
“Marca” shkruan se është një formacion i tërë në shitje, duke nisur me portierin Neto. Lista e futbollistëve në shitje është e madhe, pasi përfshin plot 12 emra. Bëhet fjalë për lojtari si Nelson Semedo, Samuel Umtiti, Junior Firpo, Ivan Rakitic, Arturo Vidal, Ousmane Dembele dhe Martin Braithëaite.
Gjithashtu Barcelona dëshiron edhe disa lojtarë të tjerë, të cilët do të rikthehen nga huazimi. Philippe Coutinho është emri më i spikatur, që pasohet nga të tjerë futbollistë, si Carles Alena, Rafinha Alcantara dhe Jean-Clair Todibo.
