Pas vendimit të qeverisë për të rimbyllur klubet e natës, lounge-ve apo diskove, në kuadër të masave anti-covid, artistët dhe pronaret e bareve kanë protestuar para Kryeministrisë dhe në Bulevardin Dëshmorët e Kombit.
Policia ka tentuar shpërndarjen e turmës dhe nuk kanë munguar përplasjet fizike.
Vendimi, sipas pronarëve të lokaleve dhe artistëve, dëmton rëndë ekonominë e personave që punojnë në këto biznese, që nga stafet e punonjësve e deri tek këngëtarët e muzikantët, duke qenë se këto aktivitete i kanë si burim kryesor të ardhurash.
Policia ka shoqëruar disa persona, ndërkohë që gjatë gjithë kohës ka kërkuar që protestuesit të shpërndahen. Një muzikant tha se ato duan që t’u heqin bukën e gojës dhe kërkojnë që ti fusin në burg.
“Une jam muzikant dhe këto duan të na mbyllin gojën dhe çdo gjë. Duan të na heqin bukën, të na fusin në burg që ne mos të kemi mundësi të jetojmë në këtë vend që ne e duam kaq shumë. Ky është realizteti jonë i shpifur”, tha protestuesi.
