Kryebashkiaku Veliaj ka justifikuar mos prezencën e kryeministrit Edi Rama në festën e Ditës së Verës duke thënë se Rama ka qenë i lodhur nga ushëtimi i tij i fundit.
Në një prononcim për mediat Erjon Veliaj ishte veshur si “Superman”. Një bluzë e tillë është përdorur dhe nga Kryeministri në një dalje të tij para mediave kohë më parë. Në një farë mënyre me bluzën e “Superman” mesa duket Erion Veliaj ka dashur të hedhi poshtë aludimet që media bëri një orë më parë për një konflikt të mundshëm mes tij dhe kryeministrit. Ose ndoshta bluza e tij me “superman” ka është përdorur si një mjet për të treguar forcën e tij të bashkisë.
Në këtë dalje Erion Veliaj uroi të gjithë shqiptarët “Gëzuar Ditën e Verës” dhe me brohoritje tha: “Ne jemi të parët”.
Veliaj ka zgjedhur Ditën e Verës, që të japë dhe një tjetër lajm se shumë shpejt do të fillojnë punimet për Sheshin “Skënderbej”. “Ne do të hapim shumë kantiera ndërtimi në Tiranë. Shumë shpejt do të hapim punimet për Sheshin Skënderbej. Do të fillojmë fillimisht me dy muaj konsultime publike për tu siguruar që në fund të këtij projekti sheshin, ndoshta më të bukurin në Rajon, kur vjen puna për një hapësirë që i akomodon të gjithë dhe që është simboli kombëtar i Shqipërisë. Në Sheshin “Skënderbej” do të ketë gurë dhe pllaka nga e gjithë Shqipëria për të treguar unitetin kombëtar, pemë dhe bimë për të tregusar përfaqësimin kombëtar”, ka thënë Veliaj.
