Pas marrëdhënieve të tensionuara midis Rusisë dhe Turqisë, vendi ynë mund të ketë një shans historik për të fituar terren në tregun rus në fushën e turizmit.
Kanë qenë operatorët turistikë në Shqipëri të cilët kanë kërkuar nga autoritetet e vendit që të krijojnë kushte konkurruese për udhëtarët rusë në mënyrë që Shqipëria të kthehet në një vend atraktivë për ta. Në veçanti, ekziston një mundësi për të krijuar një strategji për zhvillimin dhe promovimin e turizmit shqiptar.
Sipas një eksperti rus, i specializuar në turizmin shqiptar, plane të tilla janë tepër ambicioze në situatën aktuale gjeopolitike.
“Megjithëse Shqipëria nuk disponon bazë hoteliere të larmishme dhe cilësore si Turqia apo Egjipti, por ka plazhe të qeta dhe të pastra në Jon e Adriatik. Së dyti, vendi nuk ka zhvilluar formatin e “all inclusive” aq të dashur nga rusët. Natyrisht, bregdeti shqiptar është plot me plazhet e virgjër dhe të qetë,dhe kostoja e akomodimit në hotele është shumë më e ulët se sa në destinacionet popullore evropiane. Por në përgjithësi, infrastruktura e udhëtimit në Shqipëri, duke përfshirë rrugët, transporti, hotelet ende lë shumë për të dëshiruar “, u shpreh eksperti .
