Presidenti i Kosovës, Hashim Thaçi është marrë në pyetje sot për herë të katërt në po kaq ditë nga Prokuroria Speciale.
Edhe sot ai u paraqit në Prokurori prej orës 14:00 për t’u pyetur për akuzën e ngritur për krime lufte.
Thaçi si ish-drejtor politik i UÇK akuzohet për krime lufte gjatë luftës Kosovë-Serbi, për rreth 100 vrasje së bashku me Kadri Veselin dhe ish-luftëtarë.
Në fakt janë 4 seanca që ka zhvilluar Thaçi në Prokurori dhe asnjërën prej tyre nuk e ka komentuar.
Hera e fundit që foli ishte para se të hynte në seancën e parë të hënën ku deklaroi se ishte krenar që Kosova ishte një histori suksesi dhe ky ishte çmimi që ai duhet të paguante për lirinë e vendit të tij.
