Kompozitori dhe dirigjenti, Baki Jashari, është infektuar me koronavirus prej disa javësh. Ndërsa, vajza e tij, Arta Jashari, përmes një postimi ka reaguar ashpër ndaj këngëtarit Labinot Tahiri, i cili shprehet se virusi nuk ekziston.
Jashari tha se gjendja e babait të saj është rënduar dhe se ajo po kërkon insulinë për babain e saj.
“Hajde Lab, ma këndo ndonjë këngë se kjo është jeta ime që 3 javë. Edhe unë jam solokëngëtare/muzikante, sikur ti – veç me 3 diploma, 2 prej tyre evropiane. E kam lënë karrierën në Berlin për të kontribuar për Kosovën. Sonte kam dalë me lypë një copë letre për të siguruar insulinë për drejtorin, dirigjentin, kompozitorin, Baki Jashari – babain tim, si qytetar i Republikës së Kosovës”, ka shkruar ajo.
