Kuvendi zhvillon sot seancën plenare ku në rend të ditës është parashikuar diskutimi i 4 projektligjeve dhe një dekret i Presidentit Ilir Meta.
Kuvendi do të shqyrtojë projektligjin “Për disa ndryshime dhe shtesa në ligjin “Për dëmshpërblimin e ish të dënuarve politikë të regjimit komunist”, të ndryshuar””.
Gjithashtu, Kuvendi do të shqyrtojë projektligjin “Për moshën e daljes në pension pleqërie të pilotëve në Republikën e Shqipërisë”.
Një tjetër projektigj është ai “Për disa shtesa dhe ndryshime në ligjin “Për diasporën”.
Kuvendi do të shqyrtojë edhe projektligjin “Për ratifikimin e Konventës shumëpalëshe (MLI) për zbatimin e masave që lidhen me marrëveshjet tatimore për parandalimin e erozionit të bazës dhe transferimit të fitimeve (BEPS)”.
Në seancë do të shqyrtohet edhe dekreti i Presidentit të Republikës “Për kthimin në Kuvend të ligjit “Për tregjet financiare të bazuara në teknologjinë e regjistrave të shpërndarë”.
