Presidenti Ilir Meta i ka kërkuar një takim kreut të opozitës, Lulzim Basha, lidhur me situatën politike në vend.
Takimi pritet të zhvillohet në orën 11:00, ndërsa ai vjen në një kohë kur nga Komisioni i Ligjeve janë miratuar ndryshimet Kushtetuese, që hapin listat e zgjedhësve dhe ndalojnë koalicionet parazgjedhore.
Tentativa për ndryshime kushtetuese është kundërshtuar jo vetëm nga opozita e bashkuar, por edhe nga ndërkombëtarët, që i kanë kërkuar Ramës të mos shkojë kundër marrëveshjes së dakordësuar më 5 qershor.
Mësohet se pas takimit me Bashën, Presidenti do të zhvillojë takime të tjera me drejtues apo përfaqësues të partive politike, madje nuk pvrjashtohet as mbledhja e një tryeze.
