Pas shkarkimit të Adolfo Sormanit, drejtuesit e Partizanit po mendojnë për njeriun e ri të stolit. Trajneri aktual i Skënderbeut, Daja, prej kohësh përflitet që mund të marrë stolin e të kuqve por ai nuk do të jetë kandidati i vetëm.
Përveç teknikut të Skënderbeut, presidenti Demi dhe drejtori sportiv, Olsi Rama, po mendojnë edhe për Mirel Josën.
Josa, shihet si një emër i denjë për kampionët aktualë të Superligës por ende nuk dihet sesi janë përqindjet në konkurrencën me Dajën. Me gjasë, ky i fundit mund të jetë zgjedhja e parë e kampionëve në fuqi të Shqipërisë, ndonëse besohet se tekniku i Skënderbeut ka vendosur kushtet e tij dhe se nuk dëshiron të ketë ndërhyrje teknike në punën e tij.
Mirel Josa është gjithashtu një nga trajnerët e suksesshëm të futbollit shqiptar të klubeve, pasi ka dalë 3 herë kampion radhazi me Skënderbeun, në vitet 2013-2016, si dhe ishte i pari që udhëhoqi korçarët në fazën e grupeve në Ligën e Europës.
