Një aksident me pasojë vdekjen e një 24-vjeçari dhe plagosjen e një tjetri ka ndodhur sot pasdite ne rrugën e Zallbastarit. Saktësisht aksidenti ka ndodhur në vendin e quajtur ‘Rrapi’.
Burime për mediat bëjnë me dije se ka ndërruar jetë pasagjeri 24-vjeçar G.M., ndërsa drejtuesi i mjetit K.M., 26 vjeç ndodhet në spital nën kujdesin e mjekëve.
Gjendja e tij nuk bëhet me dije. Grupi hetimor ndodhet në vendngjarje për të zbardhur shkaqet dhe rrethanat e aksidentit.
Policia, nëpërmjet një njoftimi zyrtar për mediat, raporton se automjeti me të cilin udhëtonin dy të rinjtë ka dalë nga rruga.
Dyshohet se shkak i aksidentit është bërë shpejtësia tej normave të lejuara.
