Është mbyllur takimi i parë gjysmëfinal i Kupës së Shqipërisë mes Bylisit dhe Tiranës, me ballshiotët që fituan me përmbysje me shifrat 2-1.
Fillimisht ishin bardheblutë e Egbo ata që kaluan të parët në avantazh me anë të Edon Hasanit në minutën e 20-të.
Në pjesën e dytë, protagonist absolute për vendasit ishte Valentino Murataj. Numri 10 i Bylis shënoi dy gola për përmbysjen, fillimisht barazoi në minutën e 65-të, ndërsa përmbysja e madhe erdhi në minutën e 76-të.
Kualifikimi për në finale e Kupës së Shqipërisë vendoset pas dy javësh në Tiranë ku pas këtij rezultati ballshiotët vijnë të avantazhuar.
