Klubi Milanit aktualisht është në kërkim të një qendërsulmuesi pasi ky repart është me probleme te kuqezinjtë.
Prej kohësh është përfolur për një interesim të kuqezinjve për sulmuesin e Real Madrid Luka Jovic. Gjithsesi në rast se ky skenar nuk arrin të realizohet Milani mund të bëjë një shkëmbim lojtarësh me Napolin.
Në këtë skenar, Arkadiusz Milik, pritet të transferohet tek Milan ndërsa në drejtim të Napolit do të vijë Franck Kessie.
26 vjeçari i Napolit ka një kontratë deri në 2021 dhe ka qenë i kërkuar edhe nga Juventus por Milan duket se ka hyrë fuqishëm në këtë garë.
Sipas “Corriere della Sera”, Gennaro Gattuso është i gatshëm të lërë Milik të largohet nëse tek Napoli vjen Kessie.
