Komisioneri për Zgjerim dhe Fqinjësi në BE, Oliver Varhelyi ka reaguar pasi Komisioni Evropian i paraqiti Këshillit draftin e kornizave të negociatave për Shqipërinë dhe Maqedoninë e Veriut.
Drafti përcakton udhëzimet dhe parimet për bisedimet e tyre të pranimit në BE.
Përmes një postimi në Twitter, Varhelyi shprehet se ky është një hap me rëndësi për dy vendet në rrugën drejt BE-së, ndërsa shtoi se ardhmja e këtyre shteteve është e qartë.
“Një tjetër hap i rëndësishëm për Shqipërinë dhe Maqedoninë e Veriut! Sot ne përshkruajmë kornizat për kryerjen e negociatave të anëtarësimit për të dy vendet. Mezi pres diskutimet nga shtetet anëtare dhe për mbajtjen sa më shpejt të konferencave të para të pranimit”.
