Kryeministri Edi Rama i është përgjigjur pyetjes së gazetarëve të Kosovës, nëse gjatë vizitës së tij në Prishtinë ka veshur ose jo jelek anti-plumb.
Rama e ka kaluar me një batutë këtë pyetje, teksa tha se një ditë më parë nuk ua provonte dot, por s’e kishte problem të tregonte trupin e tij ditën e sotme.
Ai e ka vijuar batutën duke thënë se s’e kishte problem trupin e tij, duke iu referuar fotove nudo që kanë qarkulluar vite më parë.
Por ai i ka quajtur si të pavërteta këto lajme, duke thënë se kanë dal nga “puseta e Saliut”
Gazetarja: Gjatë vizitës tuaj keni patur të veshur një jelek antiplumb?
Edi Rama: Kur dje apo sot?
Gazetarja: Dje…
Edi Rama: Dje s’ua provoj dot, sot ua provoj me qejf. Ju e dini që s’e kam problem trupin tim. E kam provuar në kohë të padyshimta.
Aman me leni kur të shkoj në Tiranë që të dëgjoj këto. Mos më sillni këtu lajme nga puseta e Saliut. Me anti-plumb, futja kot!
